RENDICIÓN DE CONTAS DO 1º ANO DO MANDATO 2023-29.
Xuño 2023-Xuño 2024
[Descargar] Compromiso e Transparencia: Un ano de labor do Grupo Municipal
Como sempre, o noso grupo municipal está comprometido en manter a transparencia e render contas do traballo realizado polos nosos concelleiros e concelleiras. Este boletín pretende amosar un resumo detallado do labor que José Antonio Otero, Susana Millán e Anxo Meis levaron a cabo nos diferentes ámbitos durante este primeiro ano de mandato.
Ao longo destas páxinas, atoparás información sobre os numerosos rogos e preguntas formulados nos plenos municipais. Estas intervencións, dirixidas a abordar as problemáticas que afectan ás veciñas e veciños, foron atendidas en gran medida, grazas á nosa insistencia e dedicación. Tamén compartimos as diferentes mocións presentadas, tanto a nivel individual como colectivo, que foron tratadas e debatidas nos plenos. Para mellorar a transparencia, incluímos os titulares dos diferentes comunicados de prensa enviados polo noso grupo.
Unha das novidades destacables desta rendición de contas é a inclusión da axenda dos nosos concelleiros. Neste apartado, mostramos un resumo da asistencia de Jose, Susana e Anxo ás reunións mantidas con colectivos, aos encontros co goberno, a asistencia a actos institucionais e doutros ámbitos,... Consideramos esencial compartir esta información, pois moitas destas actividades permanecen ocultas e, como a preparación dos demais asuntos, tamén esixen unha dedicación significativa do tempo de lecer dos nosos concelleiros.
Ademais, ofrecemos un repaso dos diferentes acordos que logramos co grupo de goberno neste primeiro ano, que entendemos foron beneficiosos para a veciñanza. Destacamos o acordo inicial do pleno de organización, celebrado en xullo do 2023, no que, ademais de conseguir reducir o salario do goberno, pactamos unha serie de actuacións. Tamén salientamos o último acordo, alcanzado no pleno de xullo deste ano, que supuxo o investimento dunha parte importante do Remanente de Tesourería do 2023, e que redundará en melloras substanciais para O Grove.
Seguiremos traballando con firmeza e dedicación para mellorar a calidade de vida das nosas veciñas e veciños, mantendo sempre o noso compromiso coa transparencia e a rendición de contas.
Grazas pola vosa confianza e apoio continuo.
Grupo Municipal de Esquerda Unida.
..............................................................................................................
Descargar Número 3 - setembro 2021
Logo dun longo período de tempo, recuperamos o noso boletín informativo “A Rúa”. Un boletín que pretende acercar o noso traballo político á veciñanza. Traballo que están a realizar en primeira liña o noso voceiro, José Antonio Otero, e a nosa edil, Ana Cristina Domínguez, pero o cal non sería posible sen a labor das compañeiras e compañeiros da organización, que día tras día colaboran para que o noso Grupo Municipal leve adiante as diferentes propostas para lograr mellorar o noso concello e a calidade de vida das veciñas e veciños.
Neste número facemos balance do traballo que nestes dous primeiros anos do mandato 2019-2023 temos realizado nos plenos, na prensa, nas redes sociais e na rúa. As nosas aportacións e propostas, as nosas críticas ao goberno, as nosas peticións...
Nestes dous primeiros anos preocupámonos polo deterioro e abandono da nosa cultura e patrimonio, polos cambios sen criterio na circulación, pola falta de planificación turística,... denunciamos as deficiencias e abandono dos diferentes barrios, da parroquia de San Vicente,... fixemos propostas educativas, de igualdade, para servizos sociais, sanitarias, de recuperación económica, medio ambientais,... Denunciamos a falta transparencia e participación deste goberno. Pedimos en numerosas ocasións, con resultados insatisfactorios, mesas de traballo participativas, co propósito de sacar adiante e con consenso asuntos de suma importancia como o PMUS ou o PXOM, para traballar na recuperación económica, na posta en valor do noso patrimonio ou no turismo. Mesas e xuntanzas que se nos negaron continuamente porque, se este goberno ten algo claro, é que coa súa maioría absoluta van facer e desfacer á súa maneira.
O que mostramos neste número é un resumo do traballo realizado, hai moito máis; propostas económicas e sociais durante a crise da Covid-19, propostas a ordenanzas, consellos locais,...
Podes consultar e seguir todo ese traballo nas nosas redes sociais (facebook, telegram, youtube...) ou na nosa páxina web.
outros númreos:
Ningún comentario:
Publicar un comentario